نكت عن محاكمة مبارك واولاده نكت علي محاكمة العادلي

Tuesday, July 26, 2011

نكت محاكمة مبارك

الرئيس المزكوم ظهر وكأنه يعاتب "مناخيره" التى "حشرها" فى كل شئون الدولة ،

فظل يلعب فى أنفه ثم قال " أنفى" كل التهم

هههههههههههه جامده أوي دي

القاضي: أنت أمرت بقتل الثوار؟

مبارك: نهوووون؟..

القاضي: ثوار مصر..

مبارك: نهيييييين

فريد الديب للقاضي : سيدي الرئيس..

مبارك من داخل قفص الاتهام : نعم يا فريد؟

مصر | عاجل : مبارك يطلب من ادارة مستشفى شرم الشيخ تليفزيون ليتابع محاكمته

على الهواء بغرفته

المخلوع بعد المحاكمة : بس أنا كحسني .. إنبسطت

مبارك: لم أكن أنتوي الذهاب إلي المحكمة و لكنها ارادة الشعب.

عارفين أحسن حاجة فى المحاكمة دى أية ؟؟

أننا أكتشفنا أن مبارك بقاله 30 سنة مخبى علينا أن جده أسمه سيد

السؤال الذى عجز كل المصريين عن الاجابة عنه

هو القاضى نسى الشاكوش بتاعه فى البيت و لا ايه

اقوال تاريخية

جمال عبد الناصر ....ما أخذ بالقوه لا يسترد الإ بالقوه

أنور السادات مستعد ان أذهب إلي أخر العالم الكنيست ذاته

محمد حسني مبارك {موجود يا فندم}

محامى دفاع مدنى : انا اسمى ....... ومش لية طلبات اكتر من اللى اتقال

طيب انت جيت تحضر لية وبتتخانق على الميكروفووووون

محاميين الشووو الاعلامى .... ولا محامى اتكلم صح ... كل واحد يقول اسمه

ويمسك فى الميكرفووون

.....

قريبا : بيدج احنا اسفين يا ميكروفون

مبارك علمنا حاجه واحدة بس ......... الصبر ..... الصبر

ونسى ان ام كلثوم قالت .. انما للصبر حدود

القاعة أنشئها العادلي، وألقى فيها مبارك خطابه الأخير قبل الثورة.

محاكمات عربي.. أم الأجنبي

يــــــــاه يا حسنى لو كنت خدت بالك من شعبك مكنش حصلك اللى بيحصل ده

.

ولا كان فى دماغك الناس الغلابة اللى عايشين فى العشوائيات

ولا كان فى دماغك شباب بلدك اللى بيتخرجوا ويقعدوا على القهوة

ولا كان فى دماغك مشكلة العنوسة وخيرة بنات البلد اللى فى البيوت

ولا كان فى دماغك الناس بتاكل ازاى ولا كيلو اللحمة بكام

.

كنت واخد بالك بس من حاجه واحدة .. حسن شحاته عامل ايه فى تصفيات كاس العالم

فريد الديب: إني أستحلفكم بالله العظيم أن تنظروا إليه، انظروا إلى هذا الحمل

الوديع

امّا تسمع مبارك فى المحاكمه بينكر إنه أصدر قرار بقتل المتظاهرين و إنه مؤيد

للثوره .

أرجوك , إمسك لسانك و إفتكر إنك صايم

جزء من المحاكمه :

مبارك للقاضى : يا سياده القاضى , انا معايا مستندات وورق تثبت إنى برىء

القاضى : يا راجل و هو إنتا فاكرنى هفر فى كل الورق ده , إعدااام

مدحت شلبى اثناء التعليق على محاكمة مبارك

بيقول :

هالله هالله هالله ،،، هالله هالله هالله

......

يا نهار ابيض يا نهار ابيض

يخرب عقلك يا حسنى ،، يخرب عقلك يا مجرم

انت اكيد من عالم تاني ...جيت الدنيا ازاي

اعدام يابنى و الله

القاضى :لك طلبات اخرى ؟

فريد الديب : لا بس صحابى ليهم

القاضى : هل لك طلبات اخرى يعنى ؟

فريد الديب : ايوه صحابى ليهم ؟

القاضى : يا عم انت ليك طلبات تانيه ؟

قريد الديب : انت بتكلمنى انا يعنى ؟

القاضى : أيوه بكلمك انت شخصيا ليك طلبات تانيه ؟

فريد الديب : لا انا شخصيا مليش .......... بس صحابى ليهم

محامين مصر .. ام الاجانب

محامي مبارك يطالب ببقاء الرئيس السابق في مستشفي شرم الشيخ نظرآ لحالته

الصحيه وتبعآ للماده التي تنص علي

الريس قلبه بيوجعه

وعايز حد يدلعه

مبارك ونجليه ينكرون جميع التهم الموجهه أليهم

أمال مين اللي أكل الجبنه

بمناسبة نقل المحاكمات مباشرة على التلفزيون

.

.

هنلاقى بعد كده القضاه بيقولوا الحكم بعد الفاصل ، ويمكن قبل بداية المحاكمة نلاقى إعلان بيقول : هذه المحاكمة برعايه بيبسى ، وتذاع حصرى !! ولما العملية تمشى والمحاكمات تزيد هتفتح قنوات كتير زى : مودرن محكمة ، بانوراما قضية ، النيل للمحاكمات

مبارك قبل خلعه اتصل بعمر سليمان وقال له ابعت الفلوس علي شرم الشيخ وابعت المسلمين علي السعودية والمسيحيين علي أمريكا واقفل وهات المفتاح وتعالي

صورة علاء مبارك في القفص

صورة جمال مبارك في القفص

ضمن : محاكمة مبارك

11 تعليق إلى الآن "نكت عن محاكمة مبارك واولاده نكت علي محاكمة العادلي"

مناقشة

Anonymous

August 15, 2011 at 7:52 PM

بعد نجاح حملة التصوير مع الدبابة ثم التصوير مع الصباع الفوسفوري .. الأن وبعد طول انتظار حملة التصوير مع الميكروفون

أعلن اللواء منصور العيسوي، وزير الداخلية، عن فتح تحقيق حول ما بثه التلفزيون المصري، قبل بدء جلسة محاكمة الرئيس السابق حسني مبارك، ونجليه علاء وجمال، والذي قام ببث لقطات للمتهم علاء مبارك، حرًا طليقًا قبيل محاكمته وخارج قفص الاتهام.
وأكد العيسوي، انه من المفترض أن توضع "الكلابشات" في يد أي متهم أثناء توصيله لقاعة المحكمة، وظهور المتهم بهذا الشكل غير قانوني، وهو ما تقرر فتح تحقيق بشأنه لمعرفة لماذا لم يتم وضع "الكلابشات" في يد المتهم، ومن المسؤول عن حراسته.
كان علاء مبارك قد ظهر حراً وغير مقيد عندما وصلت سيارة الإسعاف بوالده إلى مقر قاعة المحاكمة، وتجول بلا قيود حديدية حتى أنه قام بتغطية كاميرا التليفزيون المصري لعدم تصوير والده أثناء نقله من سيارة الإسعاف إلى الغرفة المجهزة لاستقباله قبيل بدء المحاكمة
.
.
هو الموضوع دا مش كان بيان يوم 3/8 في اول جلسة انه كان حرا طليق ؟؟؟؟؟

August 15, 2011 at 7:54 PM

في محامي القاضي قاله فين الروب بتاعك قاله نسيتة
هههههههههههههههههههههه ازاي يعني
علي العموم هو استند للمادة اللي بتقول
المايك فى ايدك.. تصريحك فى جيبك..اللى يقولك البس روبك خد بتاع زميلك

August 18, 2011 at 5:12 PM

ليبيييييه

August 19, 2011 at 6:07 AM

وضع "الكلابشات" في يد المتهم

September 15, 2011 at 12:23 AM

بمناسبة نقل المحاكمات مباشرة على التلفزيون
.
.
.
.
.
هنلاقى بعد كده القضاه بيقولوا الحكم بعد الفاصل ، ويمكن قبل بداية المحاكمة نلاقى إعلان بيقول : هذه المحاكمة برعايه بيبسى ، وتذاع حصرى !! ولما العملية تمشى والمحاكمات تزيد هتفتح قنوات كتير زى : مودرن محكمة ، بانوراما قضية ، النيل للمحاكمات

عار على محامى مصر الكبار أن يتركوا الديب يلعب بالقانون والدفاع يلعب بالميكرفون ومبارك يلعب فى "مناخيره"
حسني مبارك رئيس جمهورية سابقا و بيلعب في مناخيره حاليا